اہم اعلانات

مدرسہ نظامیہ کورنگی کراسنگ میں 10اپریل 2025ءمطابق 11شوال 1446ھ سے درجہ ذیل درجات میں داخلے کا آغاز ہو رہا ہے:

• ناظرہ
• حفظ
• درجہ اولی تا رابعہ
• تخصص فی الافتاء (ایک سالہ) تخصص تعلیمی اوقات 8:30 صبح تا 1:00 بجے

تحریری امتحانِ داخلہ میں ان طلبہ کو شرکت کا اہل سمجھا جائے گا جن کے سابقہ اکثر وفاقی سالوں کے نتائج بہتر ہوں۔

داخلہ کمیٹی ہر جدید امیدوار کا اول تحریری امتحان لیتی ہے، دوم تحریری امتحان میں کامیاب طلبہ کا تقریری (زبانی) جائزہ لیا جاتا ہے، بعد ازاں امیدوار کی استعداد سامنے آجانے پر:

• داخلہ دینے یا نہ دینے
• مطلوبہ درجہ میں داخلہ منظور کرنے
• یا کوئی اور درجہ تجویز کرنے کا فیصلہ کیا جاتا ہے۔

مدرسہ نظامیہ سیکٹر"سی"بھٹائی کالونی کورنگی کراسنگ کراچی

برائے رابطہ موبائل اور واٹسایپ: 923343580757

1. اگر کوئی طالب علم درجۂِ اُولیٰ میں داخلے کی خواہش رکھتا ہو تو اس کے لئے میٹرک کی استعداد کا حامل ہونا بہتر ہے۔
2. جدید طلبہ کے داخلے کیلئے ضروری ہے کہ وہ کسی قابل اعتماد شخص کی طرف سے مدرسہ نظامیہ کا تجویز کردہ ’’ضمانت نامہ‘‘ پُر کرکے داخل کریں جو کہ داخلہ کمیٹی سے حاصل کیا جاسکتا ہے۔
3. کسی بھی درجہ میں داخلہ کے لئے اس سے پچھلے درجہ کی تمام ’’معیاری کتب‘‘ کا امتحان لیا جاتا ہے۔ مثلاً درجۂ ثانیہ میں داخلہ کے لئے درجۂ اُولیٰ کی معیاری کتب کا امتحان لیا جائے گا۔
4. داخلہ کے تمام خواہشمند حضرات کے لئے اپنی سابقہ تعلیمی اسناد اور کشف الدرجات ساتھ لانا ضروری ہے۔
5. مدرسہ میں زیرِ تعلیم رہتے ہوئے عصری مضامین کے بورڈ وغیرہ سے امتحانات کے لئے باقاعدہ اجازت حاصل کرنا ضروری ہے۔
6. تصویری موبائل، ریڈیو، ٹیپ ریکارڈ، اور ایسی دیگر تمام چیزیں ساتھ رکھنے کی ممانعت ہے، جو تحصیلِ علم میں مانع ہوں۔
7. داخلے کی متعینہ تاریخوں کے بعد آنے والے قدیم یا جدید طالب علم کو داخلہ دیا جانا یقینی نہیں ہوگا۔
8. کسی بھی طالب علم کو داخلہ نہ دینے کی وجوہ کا اظہار مدرسہ نظامیہ کے ذمہ نہیں ہے۔